کراچی ۔ 23 اپریل (اے پی پی) وزیر اعظم شاہد خاقان عباسی آکھیے جو پاک چین اقتصادی راہداری (سی پیک) صرف موجودہ ہی کائنی بلکہ آندیاں نسلاں سانگے وی ثمرات دا حامل منصوبہ اے جیں نال پاکستان سمیت وسیع تر خطہ فائدہ چیسی ۔انہاں اے گال سنوارکوں اتھاں ”سی پیک سمٹ“ نال خطاب کریندے ہوئیں آکھی جیں دا اہتمام ڈان میڈیا گروپ وزارت منصوبہ بندی و ترقی دی سانجھ نال کیتا ۔ وزیراعظم آکھیا جو ترائے سال توں وی گھٹ عرصے اچ اے منصوبہ ہک حقیقت بنڑ گے ۔انہاں آکھیا ایں منصوبے پاکستان کوں مجموعی ترقی و خوشحالی سانگے ہک مضبوط بنیاد فراہم کیتی اے ۔انہاں آکھیا سی پیک دے ثمرات صرف پاکستان تئیں محدود کائنی بلکہ افغانستان تے مغربی چین سمیت بئے ملک وی ایں منصوبے توں فائدہ چیسن ۔انہاں آکھیا درحقیقت سی پیک خطے اچ سارے ملکاں سانگے ہک موقع ہے تے بنیادی ڈھانچے تے توانائی دے شعبے تے توجہ مر کوز کریندے ۔شاہد خاقان عباسی آکھیا جو سی پیک نال پاکستان اچ بجلی دیاں ٹرانمیشن لائناں وچھایاں ویندیاں پن تے خصوصی اقتصادی زون دے قیام نال چین تے ساری دنیا دے کاروبار کوں ودھارا تھیسی تے تجارت اچ وی ودھار ا تھیسی ۔ وزیراعظم آکھیا ایں کانفرنس اچ شرکت کرنر انہاں سانگے اعزاز دی گال اے تے سی پیک پاکستان رتے چین وچال ہک پکی یاری دا مظہر اے ۔ایندے توں پہلے وزیر اعظم افغانستان اچ دہشت گردی دے اجوکے واقعے دی ودھ ساری مذمت کیتی جیں اچ 50 توں ودھ لوک جاں بحق تھن ۔
سی پیک ترائے سال توں وی گھٹ عرصے اچ ہک حقیقت بنڑ گے ،اے صرف موجودہ نسلاں سانگے نی بلکہ آندیاں نسلاں سانگے وی ثمرات دا حامل اے وزیراعظم شاہد خاقان عباسی دا کراچی اچ ”سی پیک سمٹ“ نال خطاب
کراچی ۔ 23 اپریل (اے پی پی) وزیر اعظم شاہد خاقان عباسی آکھیے جو پاک چین اقتصادی راہداری (سی پیک) صرف موجودہ ہی کائنی...
مضمون کا ماخذ : رومن دولت
