اسلام آباد ۔ 9 جنوری (اے پی پی) قومی اسمبلی کوں ڈسایا گے جو بلوچستان اچ چین پاکستان اقتصادی راہداری دے تحت کئی منصوبے مکمل تھی گن جڈاں جو بہوں ساریں تے کم جاری اے ۔خمیس کوں قومی اسمبلی اچ سوالاں دے وقفے دے دوران محمد ہاشم نوتیزئی دے سوال دے جواب اچ پارلیمانی سیکرٹری کنول شوذب ایوان کوں ڈسایا جو ایم ایل ون سمیت سی پیک منصوبیں دی کل مالیت 50 ارب ڈالر توں ودھ اے۔ جیں اچوں 13 منصوبیں دی کل مالیت 11ارب ڈالر اے اے منصوبے مکمل تھی گن۔ انہاں آکھیا حبکو‘ گوادر کول ‘ ایسٹ بے ‘ گوادر انٹرنیشنل ایئرپورٹ‘ ژوب کوئٹہ‘ این 50‘ این 25‘ ڈی آئی خان یارک ژوب ایجھے منصوبے ہن جیرھے جو بلوچستان متعلق ہن انہاں آکھیے کچلاک ژوب روڈ تے 8ارب دی لاگت آسی ۔ اے این 50 دا حصہ اے۔ انہاں آکھیا رکن اسمبلی جیرھی سڑک دا ذکر کریندے پن او پہلے مرحلے اچ مکمل تھی گئی اے ۔
مضمون کا ماخذ : را کی کتاب
.jpg)
.jpg)
.jpg)
