جوابی کارروائی دی تیاری مکمل، حملہ کتھاں تے کیہڑلے کرݨے اے بھارت دی چوائس، اوکوں اڳو تے کتھاں ڳھن ونڄݨے اے ساݙی چوائس ہوسی، پاک فوج دے ترجمان لیفٹیننٹ جنرل احمد شریف چوہدری دی پریس کانفرنس

اسلام آباد۔30اپریل(اے پی پی)پاک فوج دے ترجمان لیفٹیننٹ جنرل احمد شریف چوہدری آکھیے جو پاکستان دی سلامتی و خود مختاری دا ہر قیمت تے دفاع کرݨ کوں تیار ہیں، پاک فوج جوابی کارروائی دے سارے اقدامات مکمل کرڳھدن، ٻھارت ک??ں چتا ݙیوݨ چاہندے ہیں جو ا??اں تیار ہیں ٻھل ساکوں آزماوݨا نئیں، حملہ کتھاں تے کیہڑلے کرݨے اے بھارت دی چوائس، اوکوں اڳو تے کتھاں ڳھن ونڄݨے اے ساݙی چوائس ہوسی، پاکستان بھارت دی ریاستی سرپرستی اچ دہشتگردی دا معاملہ ہر ڄاہ تے چیسی، دہشت گردی واقعات ک??ں سیاسی مقاصد کیتے استعمال کرݨ بھارت دی عادت اے، بھارت 50 سال توں ایں راہ تے ٹردا پئے جو پاکستان تے الزام لاؤ، کریڈٹ ڳھنو اتے الیکشن جیتو، ایہو انہاں دا مقصد اے، پہلگام واقعہ تے استعمال تھیوݨ آلے سوشل میڈیا اکاؤنٹس جعفرایکسپریس حملے اچ وی استعمال تھئن، الزام تراشی دے بجائے بھارتی حکومت ک??ں س??ال??ں دا ولدا ݙیوݨا ہوسی۔ نائب وزیراعظم و وزیر خارجہ سینیٹر اسحاق ڈار اتے ترجمان دفتر خارجہ شفقت علی خان نال پریس کانفرنس کریندے ڈی جی آئی ایس پی آر لیفٹیننٹ جنرل احمد شریف چوہدری آکھیے جو ا??اں ایں واقعے دے حقائق تے ویسوں پر الزامات تے نئیں، پہلگام واقعے دی ڄاہ ایل او سی توں 230 کلومیٹر دور اے، اے کیویں ممکن اے جو 10 منٹ اچ اتنے اوکھے راستے توں ??وئ?? پڄ ونڄے، بھارتی بیانیہ اے جو اے دہشت گردی دا واقعہ اے اتے مسلماناں ہندوواں تے فائرنگ کیتی، اے بیانیہ کیوں اے؟ وزیراعظم ای بھارتی بیانیے تے سوال چاتے، ساݙا مؤقف واضح اے جو دہشت گرد دا ??وئ?? مذہب نئیں ہ??ند??، بھارتی میڈیا آکھیے جو پاکستانی ایجنسیاں اے واقعہ کرائے، بھارتی الزامات واقعے دے کڄھ منٹ بعد ہی سامݨے آوݨ لڳ ڳن، زپ لائن آپریٹر دی ویڈیو کوں بنیاد ٻݨا تے کوڑا بیانیہ ٻݨایا ڳئے، بھارتی میڈیا واقعے دے فوری بعد پاکستان دے خلاف الزام تراشی شروع کیتی، جعفر ایکسپریس واقعے تے وی بھارت دے ایںی اکاؤنٹ توں پہلے بیان آئے، ایں اکاؤنٹ توں پہلے ہی ݙسایا ویندے جو کڄھ گھنٹے اچ حملہ تھیسی، اے وی ݙسیندن جو اے حملہ کیہڑلے تے کتھاں تھیسی، ول حملے توں بعد ایہو بھارتی اکائونٹ حملے دا ݙسیندے، بھارتی میڈیا ایں اکاؤنٹ کوں ڳھن تے ودھا چڑھا تے پیش کریندے، اے او س??ال??ت ہین جیندے تے غور کریندے پئے ہیں، بھارت دی جیلاں اچ سیکڑاں پاکستانی غیرقانونی قید ہین، بھارت انہاں قید پاکستانیاں کوں جعلی مقابلیاں اچ استعمال کریندا پئے، اوڑی اچ محمد فاروق کوں جعلی مقابلے اچ شہید کیتا ڳئے، بھارتی فوج اوکوں درانداز آکھیے ٻھل او ہک عام شہری ہا، بھارت آپ ہک دہشت گرد ریاست اے، پاکستانی اتے کشمیری شہریاں کوں بھارت دی جیلاں اچ رکھیا ہوئے، بھارت انہاں قیدیاں تے تشدد کریندے اتے انہاں دے بیان ݙویندے۔ ڈی جی آئی ایس پی آر آکھیا جو پہلگام واقعہ دے فوری بعد ایف آئی آر دے اندراج اتے مندرجات س??ال??ت پیدا کرݙتن، جائے وقوعہ توں پولیس سٹیشن تئیں ڳھٹو ڳھٹ 30 منٹ دا سفر اے، 10 منٹ اچ کیویں ممکن اے جو ??وئ?? ایف آئی آر درج کرا ݙیوے، 10 منٹ اچ درج ایف آئی آر اچ ہینڈلر ڄھیں الفاظ استعمال کیتے گئن، الزام لایا ڳئے جو لوکاں کوں سنڄاݨ تے ماریا ڳئے، اتنے ڳھٹ ویلھے اچ کیا لوکاں دی سنڄاݨ کرݨ ممکن اے؟ وزیراعظم وی بھارتی بیانیے تے سوال چاتے، مقبوضہ کشمیر دے عوام وی بھارتی الزام تراشی بے نقاب کیتی اے، بھارت دہشت گردی دے خلاف پاکستان دی کامیابیاں سبوتاژ کرݨ چاہندے، بھارتی جیلاں اچ قید پاکستانیاں کوں دہشت گرد قرار ݙے تے جعلی مقابلیاں اچ نشانہ ٻݨایا ونڄ سڳدے۔ انہاں آکھیا جو پلوامہ واقعہ کوں وی سیاسی مقاصد کیتے استعمال کیتا ڳیا ہا، بھارتی شہری آہدے پین جو پہلگام واقعہ سکیورٹی ناکامی اے، پاکستان کئی واری ڄڳ کوں شواہد ݙتن جو بھارت پاکستان اچ دہشت گردی اچ ملوث اے، بلوچستان اچ تھیوݨ آلی دہشت گردی اچ وی بھارت دے ملوث ہووݨ دے ثبوت موجود ہین، بھارت آپ ہک دہشت گرد ریاست اے، مستند معلومات ہین جو بھارت پہلگام واقعہ دے بعد اپݨےآلہ کار پاکستان اچ دہشت گردی کیتے متحرک کرݙتن، افواج پاکستان اتے خفیہ ایجنسیاں دی ایں ساری صورتحال تے اکھ اے، ا??اں ہر ویلھے تیار ہیں بھارت ک??ں اوندی جارحیت دا تکڑا ولدا ݙیسوں، ا??اں تیار ہیں ٻھل چتاوݨی ݙیندے ہیں جو ساکوں آزماوݨا نئیں نتاں ا??اں ایندا ٻہوں سخت جواب ݙیسوں۔ بھارتی جارحیت تے پاکستان دے ردعمل اتے ایندے کولو موجود آپشنز بارے سوال تے انہاں آکھیا جو ا??اں سارے علاقیاں اچ صورتحال کوں ٻہوں احتیاط نال ݙیہدے پئے ہیں اتے بھرپور رد عمل اتے جوابی اقدامات کیتے تیار ہیں، پاکستان دی سلامتی وخود مختاری دا ہر قیمت تے دفاع کیتا ویسی، پوری قوم متحد اے اتے ساریاں جماعتاں دا عزم اے جو کہیں وی کارروائی دا بھرپور ولدا ݙتا ویسی۔ ہک سوال دے ولدے اچ ڈی جی آئی ایس پی آر آکھیا جو ا??اں ہک متحد قوم ہیں جیندا واضح عزم اے ڄیکر اشتعال انگیزی کیتی گئی تاں ول ساکوں الزام نا ݙویڄے ڄݙاں جو پاکستانی حکام بھارت دی ریاستی سرپرستی اچ دہشت گردی دا معاملہ سارے فورمز، بشمول بین الاقوامی برادری نال چیسن۔ ݙوہیں محاذاں تے لڑائی بارے انہاں آکھیا جو قانون نافذ کرݨ آلے ادارے پوری قوت نال سارے خطرات نال ہکے ویلھے اتے مؤثر طریقے نال مکمل طور تے نمٹݨ کیتے ’ پوری طرح اہل’ ہین۔ ڈی جی آئی ایس پی آر واضح کیتے جو ادارے ہمہ وقت اپݨی تیاری نال موجود ہین، فوجی تصادم دا راستہ بھارت ثݨیا تاں اوندی چوائس اے، اڳو تے اے معاملہ کتھاں ویندے اے ول ساݙی چوائس ہوسی۔